• 
• 
• 

«Жастар» ҒЗО туралы

«Жастар» ғылыми-зерттеу орталығы – қазіргі қазақстандық жастардың жағдайын зерттейтін бірегей орталық. Орталық бұрын беймәлім болған тенденцияларды анықтау мақсатында жастар және жастар саясаты саласында терең зерттеулер жүргізеді.

«Жастар» ғылыми-зерттеу орталығы қызметінің негізгі бағыттары:

• жастардың жас ерекшелігіне сәйкес мемлекеттік жастар саясатын іске асырудың негізгі бағыттары бойынша іргелі және қолданбалы зерттеулер жүргізу;
• мемлекеттік жастар саясатының өзекті мәселелері бойынша әлеуметтанулық өлшемдер жүргізу;
• жастар арасындағы мемлекеттік басымдықтарды жаңарту;
• жастар саясатын дамытудың басым бағыттарын моделдеу;
• мүдделі мемлекеттік органдардың сектораралық өзара іс-қимылын әдістемелік қолдау;
• мемлекеттік жастар саясатына қатысушылардың компетенция деңгейін арттыру.

Ғылыми-зерттеу орталығының бренді – «Қазақстан жастары» ұлттық баяндамасы. Өзінің бүкіл жұмыс кезеңінде орталық сегіз ұлттық баяндама дайындап шығарды, оған жастар өмірінің келесі салалары кіреді:

• жастардың демографиялық сипаттамасы;
• жастардың денсаулығы және бос уақыты;
• жастар өміріндегі білім мен ғылымның орны;
• жастардың әлеуметтік-экономикалық жағдайы;
• қазіргі заманғы жастардың құндылық бағдары мен мүддесі;
• жастар қоғамдық және саяси процестерде;
• жастар арасындағы қылмыс;
• жастар саясаты мемлекеттің тұрақты дамуының факторы ретінде және т.с.с.

Ұлттық баяндама – сарапшылар мен барлық деңгейдегі әртүрлі саланың өкілдері арасындағы күрделі жұмыс пен өзара әрекеттің нәтижесі.

Қазіргі уақытта «Жастар» ғылыми-зерттеу орталығының құрылымында келесі бөлімшелер жұмыс істейді:

1. Талдау және коммуникация басқармасы;
2. Әлеуметтанулық зерттеулер және болжау басқармасы;
3. Жастар ресурстық орталықтарын әдіснамалық қамтамасыз ету басқармасы;
4. Ұйымдастыру-қаржы басқармасы.

2020 жылғы 11 наурызда «Жастар» ғылыми-зерттеу орталығы жанында Байқау кеңесі құрылды.

Кеңестің қазіргі құрамы:

• Майгелдинов Қазбек Өмірзақұлы – «Рухани жаңғыру» қазақстандық қоғамдық даму институты» КеАҚ Басқарма төрағасы;
• Қайдарова Әсем Серікқазықызы – «Рухани жаңғыру» қазақстандық қоғамдық даму институты» КеАҚ Басқарма төрағасының орынбасары;
• Демеуов Махсат Жамалханұлы – «Рухани жаңғыру» қазақстандық қоғамдық даму институты» КеАҚ Басқарма төрағасының орынбасары;
• Баймулдинов Қайрат Дюсембайұлы – Қазақстан Республикасы Ақпарат және қоғамдық даму министрлігі Жастар және отбасы істері комитетінің төрағасы.