Баршаға арналған тегін кәсіптік-техникалық білім

Бағдарламаны жүзеге асырудың құқықтық негізі

1. «Халықты жұмыспен қамту туралы» Қазақстан Республикасының Заңы: https://online.zakon.kz/Document/?Doc_id=35224846

Бағдарламаны жүзеге асырудың механизмі

1. «Баршаға арналған тегін кәсіптік-техникалық білім» - техникалық және кәсіптік білімі бар (ТжКБ) кадрларды даярлау, алғашқы жұмысшы мамандығын тегін алуға жағдай жасау.
2. 9-шы немесе 11-ші сыныптан кейін оқуын жалғастыра алмаған мектеп түлектері үшін қол жетімді.
3. Оқыту ұзақтығы оқыту мерзімдері мен білім беру деңгейлері бойынша кәсіптер мен мамандықтар тізбесіне сәйкес айқындалады.
4. Бағдарламаға қатысушыларға мемлекеттік қаражат есебінен оқу ақысын төлейді, бір реттік ыстық тамақпен қамтамасыз етеді, стипендия төлейді, оқу орнына дейін жол жүру үшін ақша бөледі.

Қайда жүгіну қажет?

тұрғылықты мекен-жайы бойынша жұмыспен қамту оралықтарына (https://www.enbek.kz/kk/zaniatost/czn-contacts) немесе білім бөліміне (https://egov.kz/cms/kk/articles/2Fspisok_otdel_edu)

Қандай құжаттар қажет?

• жеке басын куәландыратын құжат;
• білімі туралы құжат (аттестат, куәлік, диплом);
• 086-У нысанына сәйкес денсаулық жағдайы туралы анықтама.