"Қазақстан Республикасы Денсаулық сақтау және әлеуметтік даму министрінің "Жұмыс күшінің ұтқырлығын арттыру үшін адамдардың ерікті түрде қоныс аудару қағидаларын бекіту туралы" 2016 жылғы 14 маусымдағы № 515 және "Халықты жұмыспен қамтуға жәрдемдесудің кейбір мәселелері туралы" 2016 жылғы 14 маусымдағы № 516 бұйрықтарына өзгерістер мен толықтырулар енгізу туралы

Қазақстан Республикасы Еңбек және халықты әлеуметтік қорғау министрінің м.а. 2019 жылғы 4 қаңтардағы № 5 бұйрығы. Қазақстан Республикасының Әділет министрлігінде 2019 жылғы 9 қаңтарда № 18161 болып тіркелді

"Халықты жұмыспен қамту туралы" 2016 жылғы 6 сәуірдегі Қазақстан Республикасы Заңы 7-бабының 6), 11), 13) тармақшаларына сәйкес БҰЙЫРАМЫН:

1. "Жұмыс күшінің ұтқырлығын арттыру үшін адамдардың ерікті түрде қоныс аудару қағидаларын бекіту туралы" Қазақстан Республикасы Денсаулық сақтау және әлеуметтік даму министрінің 2016 жылғы 14 маусымдағы № 515 бұйрығына (Нормативтік құқықтық актілерді мемлекеттік тіркеу тізілімінде № 13921 болып тіркелген, 2016 жылғы 17 тамызда "Әділет" ақпараттық-құқықтық жүйесінде жарияланған) мынадай өзгерістер мен толықтырулар енгізілсін:

көрсетілген бұйрықпен бекітілген Жұмыс күшінің ұтқырлығын арттыру үшін адамдардың ерікті түрде қоныс аудару қағидаларында:

3-тармақтың 3) тармақшасы мынадай редакцияда жазылсын:

"3) Бағдарламаға қатысушылар – жұмыс іздеп жүрген, жұмыссыз, өзін-өзі жұмыспен қамтыған адамдар қатарындағы Қазақстан Республикасының азаматтары, сондай-ақ жиырма тоғыз жасқа дейінгі жастар, Қазақстан Республикасының Үкіметі айқындаған өңірлерге келген және оралмандар мен қоныс аударушыларды қабылдаудың өңірлік квотасына енгізілген, тұрақты тұру үшін келген оралмандар мен қоныс аударушылар және қатысу басымдығы Қазақстан Республикасы Үкіметінің 2018 жылғы 13 қарашадағы № 746 қаулысымен бекітілген Нәтижелі жұмыспен қамту және жаппай кәсіпкерлікті дамытудың 2017-2021 жылдарға арналған "Еңбек" мемлекеттік бағдарламасында (бұдан әрі – Бағдарлама) белгіленген азаматтардың өзге де санаттары;";

17-тармақ мынадай редакцияда жазылсын:

"17. Халықты жұмыспен қамту орталықтары ерікті өңіраралық қоныс аударуға мынадай санаттағы адамдарға:

1) жұмыс іздеп жүрген адамдарға;

2) жұмыссыздарға;

3) өзін-өзі жұмыспен қамтығандарға адамдарға және олардың отбасы мүшелеріне;

4) жалдамалы жұмыскерлерге, оның ішінде "Техникалық және кәсіптік, орта білімнен кейінгі және жоғары білімнің білім беру бағдарламаларын іске асыратын білім беру ұйымдарына оқуға түсу кезінде қабылдау квотасының мөлшерін бекіту туралы" Қазақстан Республикасының Үкіметінің 2012 жылғы № 28 ақпандағы № 264 қаулысына (бұдан әрі - № 264 қаулы) сәйкес 10 пайыздық мөлшерде квота белгіленген, қабылдау өңірлерінде білім алушы ауыл жастары қатарынан түлектерге жәрдем көрсетеді.";

Толығырақ adilet.zan.kz сайтында