Жас жазушыларға арналған жаңа байқау басталды
Дарынды авторларды қолдауға және қоғамдағы еңбек мамандықтарының маңыздылығын ашуға арналған "Ер пен еңбек дастаны" байқауы басталды. Бұл туралы ҚР Мәдениет және ақпарат министрі Аида Балаева мәлімдеді.
Байқаудың негізгі мақсаты-кәсібилік пен жанқиярлық еңбектің арқасында елдің дамуына үлес қосқан мамандардың еңбегін дәріптеу. Мұғалімдердің, дәрігерлердің, кеншілердің, фермерлердің, құрылысшылардың, журналистердің, музыканттардың, кітапханашылардың және басқалардың жұмыстары жас жазушылардың шығармалары арқылы насихатталады.
Бұл байқау мамандықтың ерекшелігін ашып қана қоймай, кейіпкерлердің ішкі жан дүниесін, олардың армандары мен күнделікті өмірде кездесетін қиындықтарын көркем бейнелеуді талап етеді. Байқау жас авторларға еңбек адамдарының рухын, олардың бірегей қасиеттерін аша отырып, жаңа бейнелер жасауға мүмкіндік береді.
"Жеңімпаз келесі 2025 жылы, республика күні жарияланады. Ал Қазақстан Республикасының Мәдениет және ақпарат министрлігі Үздік кітаптың бүкіл ел бойынша жариялануын және таратылуын қамтамасыз етеді", - деп жазды Аида Балаева Facebook парақшасында.
Өтінімдерді қабылдау ағымдағы жылдың 1 қазанынан басталады.
ҚР Мәдениет және ақпарат министрлігінің баспасөз қызметі