15 қазанда жастар ресурстық орталықтарының директорлары мен олардың орынбасарларына арналған «Стресс-менеджмент. Конфликтология. Медиация» тақырыбындағы «Кәсіби даму Академиясы» жобасы аясында семинар-тренингтің екінші оқу блогы аяқталды
Семинар-тренингтің екінші блогы 3 күн ішінде жалғасты және үш модульден тұрды. Семинар барысында қатысушылар серіктесін түсіну технологиясымен танысты, медиация құралдарын пайдалана отырып, келіссөздер процесінің техникасына оқытылды. Тәжірибелік тапсырмаларға ерекше назар аударылды, атап айтқанда «отбасылық қатынастар саласындағы медиацияның ерекшеліктері» және «еңбек және азаматтық құқықтық қатынастардан туындайтын жанжалдарды реттеу әдістері» кейстері қарастырылды.
Семинардың соңғы модулі стресс-менеджмент және топтық жұмысқа арналды. Қатысушылар өз күйзелісі мен тобының күйзелісін басқарудағы әдістер мен құралдарды зерттеп, алған мағлұматтарды практикалық тапсырмалармен бекітті.
Жаттықтырушылар - Самекин Әділ, «Психология» мамандығының
профессоры, философия докторы, Қожахметов Шыңғысхан, сертификатталған медиатор
және Арман Хамитов, спикер, бизнес-жаттықтырушы.